မောင်စူးစမ်းမောင်စူးစမ်းနဲ့ ခေါင်းစဉ်တွေ ခပ်ဟော့ဟော့နဲ့ ပညာရှင်အသိုင်းသာ မကဘူး လူငယ်ထုကိုပါ ဆွဲဆောင်နိုင်တာကိုတော့ လက်ခံမိပါရဲ့။ ဒါပေမယ့် နအဖရဲ့ ၂၀၁၀ ရွေးကောက်ပွဲကို ထောက်ခံတယ်လို့ ခင်ဗျားက ပြောထားတော့ မပြောမဖြစ်လို့ ပြောလိုက်ရဦးမယ်။
ခင်ဗျားကို NLD အမတ်အဖြစ် မဲပေးခဲ့တာ မျက်ကန်းပြီးပေးခဲ့တာမဟုတ်ဘူးဆိုတာသိစေချင်တယ်။
ခင်ဗျားဟာ ပညာရှင်တယောက် အနုပညာသမားတဦး ဒါကြောင့် ကျုပ်တို့ပြည်သူအပေါ်မှာလဲ သစ္စာရှိလောက်တယ်ထင်လို့ မဲပေးခဲ့တာ။ အခုလို အူကြောင်ကြားလျှောက်ပြီး လုပ်နေတယ်ဆိုရင်တော့ ခင်ဗျားကို ကျွန်တော်တို့ ဘာလို့မဲပေးခဲ့မှာလဲ။
ခင်ဗျားကိုမဲမပေးခင်မှာ ခင်ဗျားရဲ့ သမိုင်းကြောင်းကိုတော့ သိပ်ဘ၀င်မတွေ့လှဘူး။ ကွန်မြူနစ်တခေတ်မှာ ခင်ဗျားဟာ ကွန်မြူနစ်လိုလို၊ နေ၀င်းတခေတ်မှာ ဆိုရှယ်လစ်ဘောဂဗေဒရေးလိုရေး၊ ဒါပေမယ့် NLD ကအမတ်တဦးဖြစ်တာမို့ ကြည်ဖြူစွာပဲ မဲပေးခဲ့ပါတယ်။ ကျုပ်ကတော့ ခင်ဗျားလို စာမတတ်ဘူးဗျာ၊ ဒါ့ကြောင့် ခင်ဗျားဘာရေးတယ်ဆိုတာတွေကိုတော့ စာရင်းနဲ့ တိတိကျကျမပြောပြနိုင်တာခွင့်လွှတ်။ အဲ သေချာတာကတော့ ခေတ်ပြောင်းတိုင်းမှာ လိုက်ပြီး ခင်ဗျားဟာ ပုတ်သင်ညိုလိုအရောင်ပြောင်းနေတာကိုပဲ။ ဒုံးပျံနဲ့ အာကာသကို တက်ချင်နေတဲ့ ခေတ်မှာ ခင်ဗျားအာကာသကို တက်ချင်တဲ့စိတ်ရှိတာ အပြစ်မရှိပေမယ့် မကောင်းပါဘူးလို့ တကမ္ဘာလုံးက လက်ခံထားတဲ့ ဒီနွားအဖွဲ့ရဲ့ ရွေးကောက်ပွဲကို လက်ခံပါတယ်လို့ ခင်ဗျားလို ပညာရှင်တဦးနှုတ်က ထွက်ရဲတာကတော့ ဆိုးတယ်ဗျို့။
န၀တ တက်တုန်းကလည်း ဈေးကွက်စီးပွားရေးမှ ဈေးကွက်စီးပွားရေး၊ အရင်တုန်းက ဆိုရှယ်လစ်စီးပွားရေးအကြောင်း မရေးခဲ့ဘူးသလိုပဲ။
ကောင်းတာကတော့ ခင်ဗျားလည်း သေခါနီးနေပါပြီ။ အရင်ကရေးခဲ့တဲ့ စာမူခတွေနဲ့ အေးအေးဆေးဆေး ထိုင်စားနေပါ။ ပြည်သူတွေကို တွေဝေစေမယ့် စကားတွေ စာတွေ မပြောပါနဲ့ မရေးပါနဲ့တော့။ သမိုင်းအမှားလုပ်မိရင် ခင်ဗျားလည်း အသေဖြောင့်မှာမဟုတ်ဘူး။ ဗမာပြည်က ထုတ်ဝေသူ ၈၀% ကလည်း သိပ်ပြီး စာတတ်လှတာမဟုတ်ဘူး။ မောင်စူးစမ်းဆိုရင် ပေါက်တယ်ဆိုပြီး မောင်စူးစမ်းရေးတဲ့ “ရန်ကုန်လမ်း ၄၀ ထိပ် ပြည့်တန်ဆာဈေးကွက်သစ်အရွေ့” ဆိုရင်လည်း ထုတ်မှာပါပဲ။ ကျော်ဝင်းဆိုလည်း ကျော်ဝင်းပေါက်တယ်ဖြစ်ပြန်ရော။ ဒါပေမယ့် မြန်မာပြည်က လူငယ်တွေနဲ့ စာဖတ်ပရိတ်ကို သိပ်အထင်မသေးပါနဲ့။ ခင်ဗျားတတ်သလို သူတို့လည်းတတ်တယ်။ ခက်တာက ဖတ်စရာစာရှားနေတော့ ခင်ဗျားစာတွေထွက်လာလည်း ဒီလူငယ်တွေခမြာ ဖတ်ကြရရှာတာပါပဲ။ ဒါပေမယ့် သူတို့က ခင်ဗျားလိုမဟုတ်ဘူး ရိုးသားဖြူစင်ကြတယ်။ အဲဒီတော့ ခင်ဗျားရဲ့ အ၀ိဇ္ဖာဖုံးနေတဲ့ ခင်ဗျားကလောင်ကထွက်လာတဲ့ အကြောင်အကြားစာတွေနဲ့ အမှောင်တိုက်မသွင်းချင်ပါနဲ့။ ခင်ဗျားရေးတဲ့ စာမူခကိုလည်း ခင်ဗျားလက်နဲ့ထိရတာမှမဟုတ်တာ။ ဒါပေမယ့် ဘာပဲပြောပြော ခင်ဗျား အချိန်တန်ရင် ထမင်းတော့ မှန်မှန်စားရပါသေးတယ်။ အဲဒီတော့ ထမင်းမှန်မှန်မစားရတဲ့ မြန်မာပြည်တွင်းထဲက ပြည်သူတွေကို သနားသောအားဖြင့် တွေဝေစေမယ့် စာတွေအစား “ထမင်းရည်ထဲတွင်ပါသော ဗီတာမင် အမျိုးပေါင်း (၁၀၀)” ဆိုတာမျိုးဆိုရင် ပို အကျိုးရှိပါလိမ့်မယ်။
အားနာစွာဖြင့်
မော်လမြိုင်သား
Friday, September 5, 2008
ဘောဂဗေဒပညာရှင်ကလေး မောင်စူးစမ်းသို့
Subscribe to:
Post Comments (Atom)
0 comments:
Post a Comment